ਹੁਣ ਸਲੀਮ ਖਾਨ ਨੂੰ ਧਮਕੀ ਦੇਣ ਵਾਲੀ ਔਰਤ ਦੀ ਫੋਟੋ ਸੋਸ਼ਲ ਮੀਡੀਆ(Social Media) ‘ਤੇ ਵਾਇਰਲ ਹੋ ਰਹੀ ਹੈ।
ਸਲਮਾਨ ਖਾਨ(Salman khan) ਦੇ ਘਰ ‘ਤੇ ਗੋਲੀਬਾਰੀ ਦੇ ਮਹੀਨੇ ਬਾਅਦ ਸਲੀਮ ਖਾਨ(Saleem Khan) ਨੂੰ ਧਮਕੀ ਮਿਲੀ ਹੈ। ਲੇਖਕ ਜੋ ਕੱਲ੍ਹ ਸਵੇਰ ਦੀ ਸੈਰ ਲਈ ਗਏ ਸੀ, ਨੂੰ ਇੱਕ ਔਰਤ ਵੱਲੋਂ ਧਮਕੀ ਦਿੱਤੀ ਗਈ, ਜਿਸ ਤੋਂ ਬਾਅਦ ਉਸ ਨੇ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ। ਉਸ ਔਰਤ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈ ਹੈ।
ਹੋਇਆ ਇੰਝ ਕਿ 19 ਸਤੰਬਰ ਦੀ ਸਵੇਰ ਨੂੰ ਸਲੀਮ ਖਾਨ ਮੁੰਬਈ ਦੀਆਂ ਸੜਕਾਂ ‘ਤੇ ਸਵੇਰ ਦੀ ਸੈਰ ਕਰਨ ਨਿਕਲੇ। ਸੈਰ ਦੌਰਾਨ, ਜਦੋਂ ਉਹ ਥੱਕ ਗਏ ਅਤੇ ਬੈਂਚ ‘ਤੇ ਬੈਠ ਗਏ, ਤਾਂ ਇੱਕ ਬੁਰਕਾ ਪਹਿਨੀ ਬਾਈਕ ਸਵਾਰ ਔਰਤ ਨੇ ਉਸਨੂੰ ਧਮਕੀ ਦਿੱਤੀ ਅਤੇ ਕਿਹਾ, “ਕੀ ਮੈਂ ਲਾਰੈਂਸ ਬਿਸ਼ਨੋਈ ਨੂੰ ਬੁਲਾਵਾਂ?”
ਸਲੀਮ ਖਾਨ ਨੂੰ ਧਮਕੀ ਦਿੰਦੀ ਔਰਤ ਸੀਸੀਟੀਵੀ ‘ਚ ਕੈਦ
ਹੁਣ ਸਲੀਮ ਖਾਨ ਨੂੰ ਧਮਕੀ ਦੇਣ ਵਾਲੀ ਔਰਤ ਦੀ ਫੋਟੋ ਸੋਸ਼ਲ ਮੀਡੀਆ(Social Media) ‘ਤੇ ਵਾਇਰਲ ਹੋ ਰਹੀ ਹੈ। ਤਸਵੀਰ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਨੇ ਕਾਲੇ ਰੰਗ ਦਾ ਬੁਰਕਾ ਪਾਇਆ ਹੋਇਆ ਹੈ ਅਤੇ ਬਾਈਕ ਦੀ ਪਿਛਲੀ ਸੀਟ ‘ਤੇ ਇਕ ਪੁਰਸ਼ ਨਾਲ ਬੈਠੀ ਹੈ।
ਬੁਰਕੇ ਕਾਰਨ ਔਰਤ ਦਾ ਚਿਹਰਾ ਤਾਂ ਦਿਖਾਈ ਨਹੀਂ ਦੇ ਰਿਹਾ ਪਰ ਮਰਦ ਦਾ ਚਿਹਰਾ ਸਾਫ਼ ਨਜ਼ਰ ਆ ਰਿਹਾ ਹੈ। ਸੀਸੀਟੀਵੀ ‘ਚ ਕੈਦ ਦੋਵਾਂ ਦੀ ਇਹ ਤਸਵੀਰ ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੀਸੀਟੀਵੀ ਦੀ ਮਦਦ ਨਾਲ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ।
.jpg)
ਸਲਮਾਨ ਖਾਨ ਦੇ ਘਰ ‘ਤੇ ਹਮਲਾ ਹੋਇਆ ਸੀ
ਇਸ ਸਾਲ ਅਪ੍ਰੈਲ ਮਹੀਨੇ ‘ਚ ਸਲਮਾਨ ਖਾਨ ਦੇ ਗਲੈਕਸੀ ਅਪਾਰਟਮੈਂਟ ‘ਚ ਤੜਕੇ ਫਾਇਰਿੰਗ ਹੋਈ ਸੀ। ਬਾਈਕ ਸਵਾਰ ਨੇ ਕਈ ਰਾਊਂਡ ਫਾਇਰ ਕੀਤੇ ਅਤੇ ਉਥੋਂ ਫ਼ਰਾਰ ਹੋ ਗਏ। ਪੁਲਿਸ ਵੱਲੋਂ ਫੜੇ ਜਾਣ ਤੋਂ ਬਾਅਦ ਇੱਕ ਦੋਸ਼ੀ ਨੇ ਕਿਹਾ ਸੀ ਕਿ ਉਹ ਲਾਰੇਂਸ ਬਿਸ਼ਨੋਈ (Lawrance Bishnoi)ਤੋਂ ਪ੍ਰੇਰਿਤ ਸੀ, ਇਸ ਲਈ ਉਸਨੇ ਅਜਿਹਾ ਕੀਤਾ ਹੈ। ਦੱਸਣਯੋਗ ਹੈ ਕਿ ਸਲਮਾਨ ਖਾਨ ਨੂੰ ਲੰਬੇ ਸਮੇਂ ਤੋਂ ਗੈਂਗਸਟਰ ਲਾਰੇੈਂਸ ਬਿਸ਼ਨੋਈ ਤੋਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ।
ਸਲਮਾਨ ਖਾਨ ਨੂੰ ਕਿਉਂ ਮਿਲ ਰਹੀਆਂ ਧਮਕੀਆਂ?
ਲਾਰੇੈਂਸ ਬਿਸ਼ਨੋਈ ਅਤੇ ਸਲਮਾਨ ਖਾਨ ਦੀ ਦੁਸ਼ਮਣੀ ਦਾ ਸਭ ਤੋਂ ਵੱਡਾ ਕਾਰਨ ਕਾਲਾ ਹਿਰਨ ਮਾਮਲਾ ਹੈ। ਸਾਲ 1998 ‘ਚ ਸਲਮਾਨ ਖਾਨ ‘ਤੇ ਜੋਧਪੁਰ ‘ਚ 3 ਕਾਲੇ ਹਿਰਨ ਅਤੇ 2 ਚਿੰਕਾਰਾ ਦਾ ਸ਼ਿਕਾਰ ਕਰਨ ਦਾ ਦੋਸ਼ ਲੱਗਾ ਸੀ। ਇਸ ਕਾਰਨ ਅਦਾਕਾਰ ਨੂੰ ਜੇਲ੍ਹ ਵੀ ਹੋ ਚੁੱਕੀ ਹੈ। ਇਕ ਵਾਰ ਲਾਰੇੈਂਸ ਨੇ ਕਿਹਾ ਸੀ ਕਿ ਉਹ ਸਲਮਾਨ ਤੋਂ ਮਾਫੀ ਚਾਹੁੰਦੇ ਹਨ।
