ਤਲਾਕ ਦੀਆਂ ਅਫਵਾਹਾਂ ਫੈਲਾਉਣ ਵਾਲਿਆਂ ਨੂੰ Aishwarya Rai ਨੇ ਦਿੱਤਾ ਆਪਣੇ ਅੰਦਾਜ਼ ‘ਚ ਜਵਾਬ, ਵੀਡੀਓ ਦੇਖ ਕੇ ਪ੍ਰਸ਼ੰਸਕ ਹੋਏ ਖ਼ੁਸ਼

ਐਸ਼ਵਰਿਆ ਰਾਏ (Aishwarya Rai) ਇਨ੍ਹੀਂ ਦਿਨੀਂ ਭਾਵੇਂ ਕੋਈ ਫਿਲਮ ਨਹੀਂ ਕਰ ਰਹੀ ਪਰ ਉਹ ਹਮੇਸ਼ਾ ਪ੍ਰਸ਼ੰਸਕਾਂ ‘ਚ ਹਰਮਨ ਪਿਆਰੀ ਬਣੀ ਰਹਿੰਦੀ ਹੈ।

ਐਸ਼ਵਰਿਆ ਰਾਏ (Aishwarya Rai) ਇਨ੍ਹੀਂ ਦਿਨੀਂ ਭਾਵੇਂ ਕੋਈ ਫਿਲਮ ਨਹੀਂ ਕਰ ਰਹੀ ਪਰ ਉਹ ਹਮੇਸ਼ਾ ਪ੍ਰਸ਼ੰਸਕਾਂ ‘ਚ ਹਰਮਨ ਪਿਆਰੀ ਬਣੀ ਰਹਿੰਦੀ ਹੈ। ਦੁਬਈ ‘ਚ ਐਵਾਰਡ ਸਮਾਰੋਹ ‘ਚ ਸ਼ਾਮfਲ ਹੋਣ ਤੋਂ ਬਾਅਦ ਐਸ਼ਵਰਿਆ ਹੁਣ ਆਪਣੀ ਬੇਟੀ ਆਰਾਧਿਆ ਨਾਲ ਪੈਰਿਸ ਫੈਸ਼ਨ ਵੀਕ (Paris Fashion Week) ‘ਚ ਸ਼ਿਰਕਤ ਕਰਦੀ ਨਜ਼ਰ ਆਈ।

ਐਸ਼ਵਰਿਆ ਨੇ ਦਿੱਤਾ ਮੂੰਹਤੋੜ ਜਵਾਬ

ਇਸ ਈਵੈਂਟ ਦੀਆਂ ਐਸ਼ਵਰਿਆ ਦੀਆਂ ਕਈ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਇਕ ਵੀਡੀਓ ’ਚ ਐਸ਼ਵਰਿਆ ਵੀ ਆਪਣੇ ਵਿਆਹ ਦੀ ਅੰਗੂਠੀ ਪਹਿਨੀ ਨਜ਼ਰ ਆਈ। ਇਸ ਦੌਰਾਨ ਉਹ ਕੈਮਰੇ ਵੱਲ ਦੇਖ ਕੇ ਅੱਖ ਵੀ ਮਾਰਦੀ ਹੈ। ਪੈਰਿਸ ਫੈਸ਼ਨ ਵੀਕ ਦੇ ਇਕ ਈਵੈਂਟ ਵਿਚ ਐਸ਼ਵਰਿਆ ਨੇ ਪ੍ਰਿੰਟਿਡ ਓਵਰਸਾਈਜ਼ ਲੰਬੀ ਜੈਕੇਟ ਪਾਈ ਹੋਈ ਹੈ। ਉਹ ਗਲੋਇੰਗ ਮੇਕਅੱਪ ਅਤੇ ਓਪਨ ਹੇਅਰ ਨਾਲ ਬਹੁਤ ਖੂਬਸੂਰਤ ਲੱਗ ਰਹੀ ਹੈ।

ਐਸ਼ਵਰਿਆ ਦੇ ਇਸ ਅੰਦਾਜ਼ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਲੱਗਦਾ ਹੈ ਕਿ ਹੁਣ ਉਨ੍ਹਾਂ ਵਿਚਾਲੇ ਸਭ ਕੁਝ ਠੀਕ ਹੈ। ਉਸ ਦੇ ਹਾਵ-ਭਾਵ ਨੂੰ ਦੇਖ ਕੇ ਅਜਿਹਾ ਲੱਗਦਾ ਹੈ ਜਿਵੇਂ ਉਹ ਤਲਾਕ ਦੀਆਂ ਅਫਵਾਹਾਂ ‘ਤੇ ਰੋਕ ਲਗਾ ਰਹੀ ਹੈ।

ਵਿਆਹ ਨੂੰ ਹੋ ਗਏ ਹਨ 17 ਸਾਲ

ਇਸ ਤੋਂ ਪਹਿਲਾਂ ਇਹ ਅਫਵਾਹ ਉਦੋਂ ਫੈਲੀ ਸੀ ਜਦੋਂ ਐਸ਼ਵਰਿਆ SIIMA 2024 ‘ਚ ਸ਼ਿਰਕਤ ਕਰਨ ਗਈ ਸੀ। ਐਸ਼ਵਰਿਆ ਤੇ ਅਭਿਸ਼ੇਕ ਬੱਚਨ ਦੇ ਵਿਆਹ ਨੂੰ 17 ਸਾਲ ਹੋ ਚੁੱਕੇ ਹਨ। ਇਸ ਸਾਲ ਜੁਲਾਈ ਵਿਚ ਅਭਿਸ਼ੇਕ ਬੱਚਨ ਦੇ ਬਿਨਾਂ ਰੈੱਡ ਕਾਰਪੇਟ ‘ਤੇ ਨਜ਼ਰ ਆਉਣ ਤੋਂ ਬਾਅਦ ਵੱਖ ਹੋਣ ਦੀਆਂ ਅਫਵਾਹਾਂ ਸਭ ਤੋਂ ਪਹਿਲਾਂ ਸ਼ੁਰੂ ਹੋਈਆਂ ਸਨ। ਐਸ਼ਵਰਿਆ ਅਤੇ ਅਭਿਸ਼ੇਕ ਦਾ ਵਿਆਹ ਸਾਲ 2007 ‘ਚ ਹੋਇਆ ਸੀ। ਇਹ ਇੰਟੀਮੇਟ ਵੈਡਿੰਗ ਸੀ, ਜਿਸ ਵਿੱਚ ਪਰਿਵਾਰ ਦੇ ਕੁਝ ਹੀ ਨਜ਼ਦੀਕੀ ਮੈਂਬਰ ਮੌਜੂਦ ਸਨ।