Home Desh Junk Food Side Effects: ਜੰਕ ਫੂਡ ਖਾਣ ਵਾਲੇ ਸਾਵਧਾਨ! ਖ਼ਤਰੇ ‘ਚ ਤੁਹਾਡਾ... Deshlatest NewsPanjab Junk Food Side Effects: ਜੰਕ ਫੂਡ ਖਾਣ ਵਾਲੇ ਸਾਵਧਾਨ! ਖ਼ਤਰੇ ‘ਚ ਤੁਹਾਡਾ ਦਿਲ-ਦਿਮਾਗ, ਕਮਜ਼ੋਰ ਹੋ ਸਕਦੀ ਹੈ ਯਾਦਾਸ਼ਤ- ਖੋਜ ਵਿੱਚ ਵੱਡਾ ਖੁਲਾਸਾ By admin - September 23, 2024 55 0 FacebookTwitterPinterestWhatsApp ਜੰਕ ਅਤੇ ਅਲਟਰਾ ਪ੍ਰੋਸੈਸਡ ਫੂਡ ਜ਼ਿਆਦਾ ਮਾਤਰਾ ਵਿੱਚ ਖਾਣ ਵਾਲਿਆਂ ਵਿੱਚ ਡਿਮੇਨਸ਼ੀਆ ਦਾ ਖ਼ਤਰਾ ਗੰਭੀਰ ਹੈ। ਉਨ੍ਹਾਂ ਵਿੱਚ ਸਟ੍ਰੋਕ ਦਾ ਖ਼ਤਰਾ ਵੀ ਬਹੁਤ ਜ਼ਿਆਦਾ ਹੁੰਦਾ ਹੈ। ਪੀਜ਼ਾ, ਬਰਗਰ, ਫਰਾਈਜ਼, ਪੈਕਡ ਚਿਪਸ, ਰੈੱਡ ਮੀਟ, ਬੇਕਨ, ਹੌਟ ਡਾਗ ਅਤੇ ਸੌਸੇਜ ਵਰਗੇ ਜੰਕ ਅਤੇ ਅਲਟਰਾ ਪ੍ਰੋਸੈਸਡ ਭੋਜਨ ਖਾਣ ਵਾਲਿਆਂ ਲਈ ਇੱਕ ਚੇਤਾਵਨੀ ਆਈ ਹੈ। ਅਜਿਹੇ ਲੋਕਾਂ ਦੀ ਯਾਦਦਾਸ਼ਤ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਸਕਦੀ ਹੈ। ਮੈਸੇਚਿਉਸੇਟਸ ਜਨਰਲ ਹਸਪਤਾਲ ਦੇ ਖੋਜਕਾਰਾਂ ਨੇ ਇੱਕ ਅਧਿਐਨ ਵਿੱਚ ਪਾਇਆ ਕਿ ਅਲਟਰਾ ਪ੍ਰੋਸੈਸਡ ਭੋਜਨ ਦੀ ਥੋੜ੍ਹੀ ਮਾਤਰਾ ਵੀ ਯਾਦਦਾਸ਼ਤ ਦੇ ਨੁਕਸਾਨ ਅਤੇ ਸਟ੍ਰੋਕ ਦੇ ਜੋਖਮ ਨੂੰ ਵਧਾਉਂਦੀ ਹੈ। ਹਾਲ ਹੀ ਵਿੱਚ, ਅਮਰੀਕਾ ਵਿੱਚ ਅਲਜ਼ਾਈਮਰ ਐਸੋਸੀਏਸ਼ਨ ਦੀ ਅੰਤਰਰਾਸ਼ਟਰੀ ਕਾਨਫਰੰਸ ਵਿੱਚ ਇੱਕ ਖੋਜ ਵੀ ਪੇਸ਼ ਕੀਤੀ ਗਈ ਸੀ। 43 ਸਾਲਾਂ ਤੱਕ ਚੱਲੀ ਇਸ ਖੋਜ ਵਿੱਚ ਸਾਹਮਣੇ ਆਇਆ ਕਿ ਜੋ ਲੋਕ ਜ਼ਿਆਦਾ ਮਾਤਰਾ ਵਿੱਚ ਅਲਟਰਾ ਪ੍ਰੋਸੈਸਡ ਭੋਜਨ ਖਾਂਦੇ ਹਨ, ਉਨ੍ਹਾਂ ਨੂੰ ਡਿਮੇਨਸ਼ੀਆ ਦਾ ਗੰਭੀਰ ਖ਼ਤਰਾ ਹੁੰਦਾ ਹੈ। ਜਿਸ ਵਿੱਚ ਯਾਦਦਾਸ਼ਤ ਅਤੇ ਸੋਚਣ ਦੀ ਸਮਰੱਥਾ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੁੰਦੀ ਹੈ। ਮੈਸੇਚਿਉਸੇਟਸ ਜਨਰਲ ਹਸਪਤਾਲ ਦੀ ਰਿਪੋਰਟ ਕੀ ਕਹਿੰਦੀ ਹੈ? ਡਾ. ਡਬਲਯੂ. ਟੇਲਰ ਕਿਮਬਰਲੀ ਦੀ ਅਗਵਾਈ ਵਿੱਚ ਨਿਊਰੋਲੋਜੀ ਵਿੱਚ ਪ੍ਰਕਾਸ਼ਿਤ ਇਸ ਖੋਜ ਵਿੱਚ ਅਲਟਰਾ ਪ੍ਰੋਸੈਸਡ ਫੂਡਸ ਦੇ ਸਾਈਡ ਇਫੈਕਟਸ ਦੀ ਰਿਪੋਰਟ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ ਕੀਤੀ ਗਈ ਖੋਜ ਵਿੱਚ ਮੋਟਾਪੇ, ਦਿਲ ਦੇ ਰੋਗ ਅਤੇ ਸ਼ੂਗਰ ਲਈ ਜੰਕ ਫੂਡ ਜ਼ਿੰਮੇਵਾਰ ਪਾਇਆ ਗਿਆ ਸੀ। ਹਾਲਾਂਕਿ, ਨਵੇਂ ਅਧਿਐਨ ਵਿੱਚ ਇਸ ਨੂੰ ਯਾਦਦਾਸ਼ਤ ਨਾਲ ਜੋੜਿਆ ਗਿਆ ਹੈ। ਮਾਨਸਿਕ ਸਿਹਤ ਨੂੰ ਪ੍ਰਭਾਵਿਤ ਕਰਦਾ ਹੈ ਜੰਕ ਫੂਡ ਡਾਕਟਰ ਕਿੰਬਰਲੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਖੋਜ ਵਿੱਚ ਇਹ ਪਾਇਆ ਗਿਆ ਕਿ ਜੰਕ ਫੂਡ ਯਾਨੀ ਅਲਟਰਾ ਪ੍ਰੋਸੈਸਡ ਭੋਜਨ ਦਿਮਾਗ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦੇ ਹਨ। ਹਾਲਾਂਕਿ, ਇਸ ਉੱਤੇ ਅਜੇ ਹੋਰ ਖੋਜ ਦੀ ਲੋੜ ਹੈ। ਇਸ ਖੋਜ ਨੇ ਅਲਟਰਾ-ਪ੍ਰੋਸੈਸਡ ਭੋਜਨ ਖਾਣ ਅਤੇ ਕੋਨਗੇਟਿਵ ਗਿਰਾਵਟ ਜਾਂ ਸਟ੍ਰੋਕ ਦੇ ਜੋਖਮ ਦੇ ਵਿਚਕਾਰ ਸਬੰਧ ਸਾਬਤ ਨਹੀਂ ਕੀਤਾ, ਪਰ ਇਹ ਸਾਡੀ ਉਮਰ ਦੇ ਵਧਣ ਨਾਲ ਦਿਮਾਗ ਦੀ ਸਿਹਤ ਲਈ ਇੱਕ ਸਿਹਤਮੰਦ ਖੁਰਾਕ ਦੀ ਮਹੱਤਤਾ ਵੱਲ ਇਸ਼ਾਰਾ ਕਰਦਾ ਹੈ। ਖੋਜ ਵਿੱਚ ਕੀ ਪਾਇਆ ਗਿਆ ਇਸ ਖੋਜ ‘ਚ ਅਲਟਰਾ ਪ੍ਰੋਸੈਸਡ ਫੂਡਜ਼ ਦੇ ਜ਼ਿਆਦਾ ਸੇਵਨ ਨਾਲ ਸਟ੍ਰੋਕ ਦਾ ਖਤਰਾ 8 ਫੀਸਦੀ ਵਧ ਵੇਖਿਆ ਗਿਆ ਹੈ। ਅਧਿਐਨ ਵਿਚ ਇਹ ਵੀ ਪਾਇਆ ਗਿਆ ਕਿ ਅਜਿਹੀਆਂ ਚੀਜ਼ਾਂ ਦਾ ਜਿੰਨਾ ਘੱਟ ਸੇਵਨ ਕੀਤਾ ਜਾਂਦਾ ਹੈ, ਸੋਚਣ ਦੀ ਸਮਰੱਥਾ ਦੇ ਖਰਾਬ ਹੋਣ ਦਾ ਖਤਰਾ 12 ਫੀਸਦੀ ਅਤੇ ਸਟ੍ਰੋਕ ਦਾ ਖ਼ਤਰਾ 9 ਫੀਸਦੀ ਤੱਕ ਘੱਟ ਕੀਤਾ ਜਾ ਸਕਦਾ ਹੈ। ਅਲਟਰਾ ਪ੍ਰੋਸੈਸਡ ਫੂਡਸ ਕੀ ਹਨ ਉਹ ਚੀਜ਼ਾਂ ਜਿਨ੍ਹਾਂ ਨੂੰ ਬਹੁਤ ਜ਼ਿਆਦਾ ਪ੍ਰੋਸੈਸਡ ਕੀਤਾ ਗਿਆ ਹੈ ਅਤੇ ਜਿਨ੍ਹਾਂ ਵਿੱਚ ਸਵਾਦ ਵਧਾਉਣ ਲਈ ਐਡਿਟਿਵ ਸ਼ਾਮਲ ਹੁੰਦੇ ਹਨ, ਉਹਨਾਂ ਨੂੰ ਅਲਟਰਾ-ਪ੍ਰੋਸੈਸਡ ਭੋਜਨ ਕਿਹਾ ਜਾਂਦਾ ਹੈ। ਇਨ੍ਹਾਂ ਵਿੱਚ ਫਾਈਬਰ, ਵਿਟਾਮਿਨ, ਪ੍ਰੋਟੀਨ ਅਤੇ ਖਣਿਜਾਂ ਘੱਟ ਹੁੰਦੇ ਹਨ ਅਤੇ ਇਹ ਖੰਡ, ਸੋਡੀਅਮ ਅਤੇ ਸੰਤ੍ਰਿਪਤ ਚਰਬੀ ਨਾਲ ਭਰਪੂਰ ਹੁੰਦੇ ਹਨ। ਆਲੂ ਦੇ ਚਿਪਸ, ਸੋਡਾ, ਐਨਰਜੀ ਡਰਿੰਕਸ, ਬੇਕਨ, ਸੌਸੇਜ, ਚਿਕਨ ਨਗੇਟਸ, ਇੰਸਟੈਂਟ ਸੂਪ ਮਿਕਸ, ਕੈਚੱਪ ਵਰਗੀਆਂ ਚੀਜ਼ਾਂ ਇਸ ਵਿੱਚ ਸ਼ਾਮਲ ਹਨ।
