ਪੰਜਾਬ ‘ਚ ਪਰਾਲੀ ਨੂੰ ਅੱਗ ਲੱਗਣ ਦਾ ਸਿਲਸਿਲਾ ਲਗਾਤਾਰ ਜਾਰੀ , 65 ਥਾਈਂ ਸੜੀ ਪਰਾਲੀ, 1510 ਤੱਕ ਪੁੱਜੇ ਕੁੱਲ ਮਾਮਲੇ

ਫਿਰੋਜਪੁਰ ਵਿਚ ਪਿਛਲੇ ਸਾਲ ਨਾਲੋਂ 09 ਥਾਵਾਂ ’ਤੇ ਵੱਧ ਪਰਾਲੀ ਸਾੜੀ ਗਈ ਹੈ। 

ਪੰਜਾਬੀ ਵਿਚ ਪਰਾਲੀ ਨੂੰ ਅੱਗ ਲੱਗਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਸੋਮਵਾਰ ਨੂੰ ਸੂਬੇ ਵਿਚ 65 ਥਾਈਂ ਪਰਾਲੀ ਸੜਣ ਦੇ ਮਾਮਲੇ ਰਿਪੋਰਟ ਹੋਏ ਹਨ, ਜਿਸ ਨਾਲ ਕੁੱਲ ਗਿਣਤੀ 1510 ਤੱਕ ਪੁੱਜ ਗਈ ਹੈ। ਪ੍ਰਾਪਤ ਅੰਕੜਿਆਂ ਅਨੁਸਾਰ 21 ਅਕਤੂਬਰ ਨੂੰ ਅਮ੍ਰਿਤਸਰ ਵਿਚ 04, ਬਰਨਾਲਾ 01, ਫਤਿਹਗੜ੍ਹ ਸਾਹਿਬ 05, ਫਰੀਦਕੋਟ 02, ਫਾਜਿਲਕਾ 01, ਫਿਰੋਜਪੁਰ 14, ਜਲੰਧਰ 01, ਕਪੂਰਥਲਾ 02, ਮਾਨਸਾ 02, ਪਟਿਆਲਾ 07, ਰੂਪ ਨਗਰ 02, ਐਸਏਐਸ ਨਗਰ 01 ਅਤੇ ਸੰਗਰੂਰ ਵਿਚ 08 ਥਾਈਂ ਪਰਾਲੀ ਨੂੰ ਅੱਗ ਲਗਾਈ ਗਈ ਹੈ। ਇਸ ਸਾਲ ਪੰਜਾਬ ਵਿਚ ਅਮ੍ਰਿਤਸਰ ਪਰਾਲੀ ਨੂੰ ਅੱਗ ਲਗਾਉਣ ਵਿਚ 438 ਮਾਮਲਿਆਂ ਨਾਲ ਸਭ ਤੋਂ ਅੱਗੇ ਹੈ ਜਦੋਂਕਿ ਤਰਨਤਾਰਨ ਵਿਚ ਵੀ ਪਰਾਲੀ ਦੀ ਅੱਗ ਦੇ ਮਾਮਲੇ 311 ਤੱਕ ਪੁੱਜ ਗਏ ਹਨ।

ਜਦੋਂਕਿ ਪਟਿਆਲਾ 188 ਨਾਲ ਤੀਸਰੇ ਸਥਾਨ ’ਤੇ ਹੈ। 15 ਸਤੰਬਰ ਤੋਂ 21 ਅਕਤੂਬਰ ਤੱਕ ਅਮ੍ਰਿਤਸਰ ਵਿਚ 438, ਬਰਨਾਲਾ 09, ਬਠਿੰਡਾ 06, ਫਤਿਹਗੜ੍ਹ ਸਾਹਿਬ 37, ਫਰੀਦਕੋਟ 04, ਫਾਜਿਲਕਾ 12, ਫਿਰੋਜਪੁਰ 110, ਗੁਰਦਾਸਪੁਰ 47, ਜਲੰਧਰ 17, ਕਪੂਰਥਲਾ 66, ਲੁਧਿਆਣਾ 27, ਮਾਨਸਾ 27, ਮੋਗਾ 10, ਮੁਕਤਸਰ 04, ਐਸਬੀਐਸ ਨਗਰ 02, ਪਟਿਆਲਾ 188, ਰੂਪ ਨਗਰ 04, ਐਸਏਐਸ ਨਗਰ 27, ਸੰਗਰੂਰ 138, ਤਰਨਤਾਰਨ 311 ਅਤੇ ਮਲੇਰਕੋਟਲਾ ਵਿਚ 125 ਥਾਈਂ ਪਰਾਲੀ ਸਾੜਣ ਦੇ ਮਾਮਲੇ ਰਿਪੋਰਟ ਹੋਏ ਹਨ।

ਫਿਰੋਜਪੁਰ ਵਿਚ ਪਿਛਲੇ ਸਾਲ ਨਾਲੋਂ 09 ਥਾਵਾਂ ’ਤੇ ਵੱਧ ਪਰਾਲੀ ਸਾੜੀ ਗਈ ਹੈ। ਜਦੋਂਕਿ ਫਾਜਿਲਕਾ ਵਿਚ 04, ਗੁਰਦਾਸਪੁਰ ਵਿਚ 30, ਸੰਗਰੂਰ ਵਿਚ 35, ਤਰਨ ਤਾਰਨ ਵਿਚ 79, ਮਲੇਰਕੋਟਲਾ ਵਿਚ ਪਿਛਲੇ ਸਾਲ ਨਾਲੋਂ 22 ਥਾਵਾਂ ’ਤੇ ਵੱਧ ਪਰਾਲੀ ਸਾੜੀ ਗਈ ਹੈ। ਇਸਦੇ ਨਾਲ ਹੀ ਜਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ 06 ਥਾਵਾਂ ’ਤੇ ਘੱਟ, ਅਮ੍ਰਿਤਸਰ ਵਿਚ 261, ਫਰੀਦਕੋਟ ਵਿਚ 19, ਜਲੰਧਰ 12, ਕਪੂਰਥਲਾ ਵਿਚ 28, ਮਾਨਸਾ ਵਿਚ 23, ਲੁਧਿਆਣਾ 10, ਮੋਗਾ 25, ਪਟਿਆਲਾ ਵਿਚ 14 ਅਤੇ ਐਸਏਐਸ ਨਗਰ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਪਰਾਲੀ ਨੂੰ ਅੱਗ ਲੱਗਣ ਦੇ 32 ਮਾਮਲੇ ਘਟੇ ਹਨ।

ਇਸ ਜਿਲ੍ਹੇ ਵਿਚ ਵਧੀ ਪਰਾਲੀ ਦੀ ਅੱਗ

ਜਿਲ੍ਹਾ : 2023 : 2024

ਫਿਰੋਜ਼ਪੁਰ : 101 : 110

ਫਾਜਿਲਕਾ : 08 : 12

ਗੁਰਦਾਸਪੁਰ : 17 : 47

ਸੰਗਰੂਰ : 103 : 138

ਤਰਨਤਾਰਨ : 232 : 311

ਮਲੇਰਕੋਟਲਾ : 03 : 25

ਇਸ ਜਿਲ੍ਹੇ ਵਿਚ ਘਟੀ ਪਰਾਲੀ ਦੀ ਅੱਗ

ਜਿਲ੍ਹਾ : 2023 : 2024

ਫਤਿਹਗੜ੍ਹ ਸਾਹਿਬ : 43 : 37

ਅਮ੍ਰਿਤਸਰ : 699 : 438

ਫਰੀਦਕੋਟ : 23 : 04

ਜਲੰਧਰ : 29 : 17

ਕਪੂਰਥਲਾ : 94 : 66

ਮਾਨਸਾ : 57 : 27

ਲੁਧਿਆਣਾ 37 : 27

ਮੋਗਾ : 35 : 10

ਪਟਿਆਲਾ : 202 : 188

ਐੋਸਏਐਸ ਨਗਰ : 59 : 27