Shaktimaan ਰਿਟਰਨਜ਼ ਨੂੰ ਲੈ ਕੇ ਬੋਲੇ ਮੁਕੇਸ਼ ਖੰਨਾ
ਸ਼ਕਤੀਮਾਨ ਰਿਟਰਨਜ਼ ਨੂੰ ਲੈ ਕੇ 90 ਦੇ ਦਹਾਕੇ ਦੇ ਦਿਗਜ਼ ਅਦਾਕਾਰ ਮੁਕੇਸ਼ ਖੰਨਾ ਦਾ ਨਾਮ ਲਾਈਮਲਾਈਟ ‘ਚ ਬਣਿਆ ਹੋਇਆ ਹੈ।
ਸੁਪਰਹੀਰੋ ਸ਼ੋਅ ਦੇ ਆਧਾਰ ‘ਤੇ ਇਸ ਵਾਰ ਸ਼ਕਤੀਮਾਨ ਦੀ ਵਾਪਸੀ ਨਹੀਂ ਹੋਈ ਹੈ, ਪਰ ਮੁਕੇਸ਼ ਕੁਝ ਅਜਿਹਾ ਲੈ ਕੇ ਆਏ ਹਨ ਜੋ ਦੇਸ਼ ਦਾ ਭਵਿੱਖ ਕਹੇ ਜਾਣ ਵਾਲੇ ਬੱਚਿਆਂ ਲਈ ਕਾਰਗਰ ਸਾਬਤ ਹੋਵੇਗਾ। ਇਸ ਸਭ ਦੇ ਇਲਾਵਾ ਹਰ ਪਾਸੇ ਸ਼ਕਤੀਮਾਨ ਮੂਵੀ ਨੂੰ ਲੈ ਕੇ ਐਕਟਰ ਰਣਵੀਰ ਸਿੰਘ ਦਾ ਨਾਮ ਇਕ ਵਾਰ ਫਿਰ ਸੁਰਖੀਆਂ ‘ਚ ਹੈ।
ਜਿਸ ‘ਤੇ ਮੁਕੇਸ਼ ਖੰਨਾ ਨੇ ਆਪਣੀ ਪ੍ਰਤੀਕ੍ਰਿਆ ਦਿੱਤੀ ਹੈ ਕਿ ਸ਼ਕਤੀਮਾਨ ਦੇ ਕਮਬੈਕ ਨੂੰ ਲੈ ਕੇ ਕੁਝ ਅਹਿਮ ਗੱਲਾਂ ਦਾ ਜਵਾਬ ਦਿੱਤਾ ਹੈ। ਆਓ ਜਾਣਦੇ ਹਾਂ ਕਿ ਉਨ੍ਹਾਂ ਕੀ ਤੇ ਕਿਉਂ ਕਿਹਾ ਹੈ।
ਹਾਲ ‘ਚ ਹੀ 19 ਸਾਲ ਬਾਅਦ ਸ਼ਕਤੀਮਾਨ ਦੀ ਵਾਪਸੀ ਨੂੰ ਲੈ ਕੇ ਮੁਕੇਸ਼ ਖੰਨਾ ਨੇ ਪ੍ਰੈੱਸ ਕਾਨਫਰੰਸ ਕੀਤੀ ਹੈ। ਜਿਸ ‘ਚ ਸ਼ਕਤੀਮਾਨ ਮੂਵੀ ਅਤੇ ਸੁਪਰਸਟਾਰ ਰਣਵੀਰ ਸਿੰਘ ਦਾ ਵੀ ਜ਼ਿਕਰ ਹੋਇਆ ਸੀ। ਇਸ ਮਾਮਲੇ ਨੂੰ ਲੈ ਕੇ ਹੁਣ ਮੁਕੇਸ਼ ਖੰਨਾ ਨੇ ਆਪਣੇ ਆਫੀਸ਼ੀਅਲ ਇੰਸਟਾਗ੍ਰਾਮ ਹੈਂਡਲ ‘ਤੇ ਕੁਝ ਜ਼ਰੂਰੀ ਗੱਲਾਂ ‘ਤੇ ਰਿਐਕਸ਼ਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ-
“ਮੈਂ ਲੋਕਾਂ ਦੇ ਇਸ ਤਬਕੇ ਦੀ ਗਲਤ ਧਾਰਨਾ ਨੂੰ ਦੂਰ ਕਰਨ ਆਇਆ ਹਾਂ, ਜੋ ਇਹ ਕਹਿ ਰਹੇ ਹਨ ਕਿ ਅਗਲਾ ਸ਼ਕਤੀਮਾਨ ਮੈਂ ਬਣੂੰਗਾ। ਇਹ ਇਕ ਦਮ ਗਲਤ ਹੈ, ਮੈਂ ਅਜਿਹਾ ਕਦੇ ਨਹੀਂ ਕਿਹਾ। ਇਹ ਮੈਂ ਤੁਹਾਨੂੰ ਵਿਸਥਾਰ ‘ਚ ਸਮਝਾਉਂਦਾ ਹਾਂ ਕਿ ਅਗਲਾ ਸ਼ਕਤੀਮਾਨ ਕੌਣ ਬਣੇਗਾ।”
ਇਸ ਤਰ੍ਹਾਂ ਮੁਕੇਸ਼ ਖੰਨਾ ਨੇ ਦੁਬਾਰਾ ਸ਼ਕਤੀਮਾਨ ਬਣਨ ਤੇ ਰਣਵੀਰ ਸਿੰਘ ਨੂੰ ਲੈ ਕੇ ਆਪਣੀ ਪ੍ਰਤੀਕਿਰਿਆ ਪ੍ਰਗਟ ਕੀਤੀ ਹੈ। ਦਸ ਦੇਈਏ ਕਿ ਸ਼ਕਤੀਮਾਨ ਰਿਟਰਨਜ਼ ਦੇ ਐਪੀਸੋਡ ਨੂੰ ਤੁਸੀਂ ਭੀਸ਼ਮ ਇੰਟਰਨੈਸ਼ਨਲ ਯੂਟਿਊਬ ਚੈਨਲ ‘ਤੇ ਦੇਖ ਸਕਦੇ ਹੋ।
ਸ਼ਕਤੀਮਾਨ ਮੂਵੀ ਨੂੰ ਲੈ ਕੇ ਚਰਚਾ ‘ਚ ਰਣਵੀਰ
ਕਾਫੀ ਦੇਰ ਤੋਂ ਚਰਚਾ ਚੱਲ ਰਹੀ ਹੈ ਕਿ ਸ਼ਕਤੀਮਾਨ ‘ਤੇ ਫਿਲਮ ਬਣਨ ਜਾ ਰਹੀ ਹੈ, ਜਿਸ ਲਈ ਅਦਾਕਾਰ ਰਣਵੀਰ ਸਿੰਘ ਦਾ ਨਾਮ ਰੇਸ ‘ਚ ਬਣਿਆ ਹੋਇਆ ਹੈ। ਮੁਕੇਸ਼ ਖੰਨਾ ਨੇ ਖੁਦ ਇਸ ਗੱਲ ਦਾ ਐਲਾਨ ਕੀਤਾ ਸੀ ਕਿ ਇਸ ਫਿਲਮ ਲਈ ਰਣਵੀਰ ਸਿੰਘ ਉਨ੍ਹਾਂ ਨੂੰ ਮਿਲਣ ਵੀ ਆਏ ਸਨ।
