5 ਸਾਲ ਬਾਅਦ Kapil Sharma Show ‘ਚ ਹੋਵੇਗੀ Navjot Singh Sidhu ਦੀ ਐਂਟਰੀ

Kapil Sharma ਦਾ ਕਮੇਡੀ Show ਦਰਸ਼ਕਂ ਦੀ ਪਹਿਲੀ ਪਸੰਦ ਬਣ ਚੁੱਕਾ ਹੈ।

 ਕਮੇਡੀਅਨ ਕਪਿਲ ਸ਼ਰਮਾ ਤੇ ਉਨ੍ਹਾਂ ਦਾ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ (The Great Indian Kapil Show) ਇਸ ਵੇਲੇ ਆਪਣੇ ਸੀਜ਼ਨ-2 ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ ਬਟੋਰ ਰਿਹਾ ਹੈ।

ਓਟੀਟੀ ਪਲੇਟਫਾਰਮ ਨੈੱਟਫਲਿਕਸ (Netflix) ‘ਤੇ ਕਪਿਲ ਦਾ ਇਹ ਕਮੇਡੀ ਸ਼ੋਅ ਦਰਸ਼ਕਾਂ ਨੂੰ ਖੂਬ ਹਸਾ ਰਿਹਾ ਹੈ।

ਪਰ ਇਸ ਦੌਰਾਨ ਸ਼ੋਅ ਦੇ ਪੁਰਾਣੇ ਜੱਜ ਨਵਜੋਤ ਸਿੰਘ ਸਿੱਧੂ (Navjot Singh Sidhu) ਨੂੰ ਲੈ ਕੇ ਕਪਿਲ ਸ਼ਰਮਾ ਦਾ ਇਹ ਸ਼ੋਅ ਚਰਚਾ ‘ਚ ਆ ਗਿਆ ਹੈ।

ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਬਹੁਤ ਵਾਇਰਲ ਹੋ ਰਹੀ ਹੈ, ਜੋ ਦ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ ਦੇ ਅਪਕਮਿੰਗ ਐਪੀਸੋਡਜ਼ ਦੱਸਿਆ ਜਾ ਰਿਹਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਪ੍ਰੋਮੋ ਵੀਡੀਓ ‘ਚ ਨਵਜੋਤ ਸਿੰਘ ਦਾ ਕਮਬੈਕ ਹੁੰਦਾ ਨਜ਼ਰ ਆ ਰਿਹਾ ਹੈ।

ਕਪਿਲ ਦੇ ਸ਼ੋਅ ‘ਚ ਮੁੜ ਨਜ਼ਰ ਆਉਣਗੇ ਸਿੱਧੂ

ਛੋਟੇ ਪਰਦੇ ਤੋਂ ਬਾਅਦ ਓਟੀਟੀ ਪਲੇਟਫਾਰਮ ‘ਤੇ ਕਪਿਲ ਸ਼ਰਮਾ ਦਾ ਕਮੇਡੀ ਸ਼ੋਅ ਦਰਸ਼ਕਾਂ ਦੀ ਪਹਿਲੀ ਪਸੰਦ ਬਣ ਚੁੱਕਾ ਹੈ।

ਹਾਲ ‘ਚ ਹੀ ਇਸ ਸ਼ੋਅ ‘ਚ ਭੂਲ-ਭੁਲੱਈਆ-3 ਦੀ ਟੀਮ ਨੇ ਵਾਧੂ ਮਸਤੀ ਕੀਤੀ ਸੀ ਤੇ ਬੀਤੇ ਐਪੀਸੋਡ ‘ਚ ਲੇਖਕ ਸੁਧਾ ਮੂਰਤੀ ਨੇ ਵੀ ਆਪਣੀ ਮੌਜੂਦਗੀ ਨਾਲ ਚਾਰ-ਚੰਨ ਲਾਏ ਸਨ। ਹੁਣ ਸ਼ੋਅ ਦਾ ਇਕ ਲੇਟੈਸਟ ਪ੍ਰੋਮੋ ਵੀਡੀਓ ਐਕਸ ਹੈਂਡਲ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ।

ਇਸ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਨਵਜੋਤ ਸਿੰਘ ਸਿੱਧੂ ਜੱਜ ਦੀ ਕੁਰਸੀ ‘ਤੇ ਬੈਠੇ ਹੋਏ ਹਨ ਤੇ ਕਪਿਲ ਸ਼ਰਮਾ ਉਨ੍ਹਾਂ ਨੂੰ ਦੇਖ ਕੇ ਚੌਂਕ ਗਏ ਹਨ।

ਦੂਸਰੇ ਪਾਸੇ ਅਰਚਨਾ ਪੂਰਨ ਸਿੰਘ ਕਪਿਲ ਨਾਲ ਸਿੱਧੂ ਤੋਂ ਕੁਰਸੀ ਖਾਲੀ ਕਰਵਾਉਣ ਲਈ ਬੋਲਦੀ ਹੋਈ ਨਜ਼ਰ ਆ ਰਹੀ ਹੈ।

ਨਵਜੋਤ ਦੇ ਇਲਾਵਾ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਫਿਰਕੀ ਗੇਂਦਬਾਜ ਹਰਭਜਨ ਸਿੰਘ ਆਪਣੀ ਪਤਨੀ ਤੇ ਅਦਾਕਾਰਾ ਗੀਤਾ ਬਸਰਾ ਨਾਲ ਦ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ ਦੇ ਮੰਚ ‘ਤੇ ਪਹੁੰਚੇ ਤੇ ਉਨ੍ਹਾਂ ਸਾਰਿਆਂ ਨਾਲ ਮਿਲ ਕੇ ਬਹੁਤ ਸਾਰੀ ਮਸਤੀ ਕੀਤੀ ਹੈ।

ਇਸ ਵੀਡੀਓ ਨੂੰ ਦੇਖਕੇ ਕਪਿਲ ਸ਼ਰਮਾ ਦੇ ਸ਼ੋਅ ਦੇ ਫੈਨਜ਼ ਦੀ ਖੁਸ਼ੀ ਦਾ ਟਿਕਾਣਾ ਨਹੀਂ ਹੈ ਤੇ ਉਹ ਨਵਜੋਤ ਸਿੰਘ ਸਿੱਧੂ ਦੀ ਵਾਪਸੀ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ।

ਇਸਦੇ ਨਾਲ ਹੀ ਉਹ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ ਦੇ ਇਸ ਅਪਕਮਿੰਗ ਐਪੀਸੋਡ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਨ ਲੱਗੇ ਹਨ।

5 ਸਾਲ ਪਹਿਲਾਂ ਛੱਡਿਆ ਸੀ ਸ਼ੋਅ

ਸਾਲ 2013 ‘ਚ ਨਵਜੋਤ ਸਿੰਘ ਸਿੱਧੂ ਛੋਟੇ ਪਰਦੇ ‘ਤੇ ਕਮੇਡੀ ਸ਼ੋਅ ਦਾ ਹਿੱਸਾ ਬਣੇ ਸਨ। ਤਕਰੀਬਨ 6 ਸਾਲ ਤੱਕ ਉਨ੍ਹਾਂ ਇਸ ਕਮੇਡੀ ਸ਼ੋਅ ‘ਚ ਜੱਜ ਦੀ ਕੁਰਸੀ ਨੂੰ ਸੰਭਾਲਕੇ ਰੱਖਿਆ ਸੀ।

ਪਰ ਸਾਲ 2019 ‘ਚ ਕੁਝ ਵਿਵਾਦਪੂਰਨ ਬਿਆਨਾਂ ਕਰਕੇ ਉਨ੍ਹਾਂ ਨੂੰ ਕਪਿਲ ਸ਼ਰਮਾ ਦਾ ਇਹ ਸ਼ੋਅ ਛੱਡਣਾ ਪਿਆ ਸੀ ਤੇ ਉਸਦੇ ਬਾਅਦ ਅਰਚਨਾ ਪੂਰਨ ਸਿੰਘ ਇਸ ਸ਼ੋਅ ‘ਚ ਬਤੌਰ ਜੱਜ ਨਜ਼ਰ ਆ ਰਹੀ ਸੀ।