ਪੰਜਾਬ ਕਿੰਗਜ਼ ਦੀ ਸਹਿ-ਮਾਲਕਣ ਪ੍ਰੀਤੀ ਜ਼ਿੰਟਾ ਦੀ ਟੀਮ ਹੁਣ ਆਈਪੀਐਲ ਦੇ ਫਾਈਨਲ ਵਿੱਚ ਪਹੁੰਚ ਗਈ ਹੈ।
ਬਾਲੀਵੁੱਡ ਦੀ ਡਿੰਪਲ ਗਰਲ ਵਜੋਂ ਮਸ਼ਹੂਰ ਪ੍ਰੀਤੀ ਜ਼ਿੰਟਾ ਨੇ ਨਾ ਸਿਰਫ਼ Acting ਵਿੱਚ ਆਪਣੀ ਪਛਾਣ ਬਣਾਈ ਹੈ, ਸਗੋਂ ਆਪਣੀ ਸਿਆਣਪ ਅਤੇ ਦੂਰਅੰਦੇਸ਼ੀ ਨਾਲ ਵਪਾਰਕ ਜਗਤ ਵਿੱਚ ਵੀ ਇੱਕ ਮਿਸਾਲ ਕਾਇਮ ਕੀਤੀ ਹੈ। ਇੰਡੀਅਨ ਪ੍ਰੀਮੀਅਰ ਲੀਗ (IPL) ਵਿੱਚ ਅਦਾਕਾਰਾ ਦਾ ਨਿਵੇਸ਼ ਅਤੇ ਇਸ ਤੋਂ ਹੋਣ ਵਾਲੀ ਕਮਾਈ ਇਸ ਗੱਲ ਦਾ ਸਬੂਤ ਹੈ ਕਿ ਉਹ ਸੱਚਮੁੱਚ ‘ਬਿਊਟੀ ਵਿਦ ਬ੍ਰੇਨ’ ਹੈ।
ਪ੍ਰੀਤੀ ਜ਼ਿੰਟਾ ਨੇ 1998 ਵਿੱਚ ‘ਦਿਲ ਸੇ’ ਅਤੇ ‘ਸੋਲਜਰ’ ਵਰਗੀਆਂ ਫਿਲਮਾਂ ਨਾਲ ਬਾਲੀਵੁੱਡ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਹਾਲਾਂਕਿ ਅਦਾਕਾਰੀ ਦੇ ਨਾਲ-ਨਾਲ ਕਾਰੋਬਾਰ ਵਿੱਚ ਦਿਲਚਸਪੀ ਦਿਖਾਈ ਅਤੇ 2008 ਵਿੱਚ ਆਈਪੀਐਲ ਟੀਮ ਕਿੰਗਜ਼ ਇਲੈਵਨ ਪੰਜਾਬ (ਹੁਣ ਪੰਜਾਬ ਕਿੰਗਜ਼) ਦੀ ਸਹਿ-ਮਾਲਕਣ ਬਣ ਗਈ। ਜਦੋਂ 2008 ਵਿੱਚ ਪੰਜਾਬ ਕਿੰਗਜ਼ ਦੀ ਸ਼ੁਰੂਆਤ ਹੋਈ, ਤਾਂ ਅਦਾਕਾਰਾ ਨੇ ਇਸਨੂੰ $76 ਮਿਲੀਅਨ ਵਿੱਚ ਖਰੀਦਿਆ। 2022 ਵਿੱਚ, ਇਸਦੀ ਕੀਮਤ $925 ਮਿਲੀਅਨ ਹੋ ਗਈ।
ਪੰਜਾਬ ਕਿੰਗਜ਼ ਦੀ ਸਹਿ-ਮਾਲਕਣ ਪ੍ਰੀਤੀ ਜ਼ਿੰਟਾ ਦੀ ਟੀਮ ਹੁਣ ਆਈਪੀਐਲ ਫਾਈਨਲ (ਪੰਜਾਬ ਕਿੰਗਜ਼ ਆਈਪੀਐਲ 2025 ਫਾਈਨਲ) ਵਿੱਚ ਪਹੁੰਚ ਗਈ ਹੈ। ਆਈਪੀਐਲ ਵਿੱਚ ਦੂਜੀਆਂ ਟੀਮਾਂ ਦੇ ਮਾਲਕ ਆਪਣੀ ਟੀਮ ਦੀ ਹਾਰ ਜਾਂ ਜਿੱਤ ਤੋਂ ਬਾਅਦ ਵੱਖੋ-ਵੱਖਰੀ ਪ੍ਰਤੀਕਿਰਿਆ ਦਿੰਦੇ ਹਨ, ਪਰ ਜਿੱਤ ਜਾਂ ਹਾਰ ਦੇ ਸਮੇਂ ਪ੍ਰੀਤੀ ਜ਼ਿੰਟਾ ਦਾ ਸੁਭਾਅ ਕਦੇ ਨਹੀਂ ਬਦਲਿਆ। ਇਸ ਸੀਜ਼ਨ ਵਿੱਚ, ਉਸਦੀ ਟੀਮ ਇੱਕ ਵੱਡੀ ਟੀਮ ਬਣ ਕੇ ਉਭਰੀ ਹੈ।
ਆਈਪੀਐਲ ਵਿੱਚ Tickets Selling ਤੋਂ ਜੋ ਵੀ ਪੈਸਾ ਕਮਾਇਆ ਜਾਂਦਾ ਹੈ, ਉਸ ਵਿੱਚ ਆਈਪੀਐਲ ਟੀਮਾਂ ਦੇ ਮਾਲਕਾਂ ਦਾ ਵੀ ਹਿੱਸਾ ਹੁੰਦਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, 80 ਪ੍ਰਤੀਸ਼ਤ ਪੈਸਾ ਟਿਕਟਾਂ ਦੀ ਵਿਕਰੀ ਤੋਂ ਜਾਂਦਾ ਹੈ। ਇਸ ਤੋਂ ਇਲਾਵਾ, ਟੀਮ ਸਪਾਂਸਰਸ਼ਿਪ ਰਾਹੀਂ ਵੀ ਕਮਾਈ ਕਰਦੀ ਹੈ।
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਪ੍ਰੀਤੀ ਜ਼ਿੰਟਾ ਦੀ ਕੁੱਲ ਜਾਇਦਾਦ ਲਗਭਗ 240 ਕਰੋੜ ਰੁਪਏ ਹੈ। ਅਦਾਕਾਰਾ ਦੀ ਕਮਾਈ ਬਾਲੀਵੁੱਡ, ਬ੍ਰਾਂਡ ਐਡੋਰਸਮੈਂਟ, ਆਈਪੀਐਲ ਟੀਮ, ਰੀਅਲ ਅਸਟੇਟ, ਨਿਵੇਸ਼ਾਂ ਤੋਂ ਆਉਂਦੀ ਹੈ। ਅਦਾਕਾਰਾ ਨੇ ਮੁੰਬਈ ਦੇ ਇੱਕ ਪਾਸ਼ ਖੇਤਰ ਪਾਲੀ ਹਿੱਲ ਵਿੱਚ 17 ਕਰੋੜ ਰੁਪਏ ਦਾ ਇੱਕ ਆਲੀਸ਼ਾਨ ਘਰ ਖਰੀਦਿਆ ਹੈ।
