RSS ਮੁਖੀ ਮੋਹਨ ਭਾਗਵਤ ਦਾ ਪੰਜਾਬ ਦੌਰਾ, ਪਠਾਨਕੋਟ ਤੇ ਲੁਧਿਆਣਾ ‘ਚ ਕਰਨਗੇ ਪ੍ਰੋਗਰਾਮ

 ਮੋਹਨ ਭਾਗਵਤ 25 ਫਰਵਰੀ ਤੋਂ ਪੰਜਾਬ ਦੇ ਦੋ ਦਿਨਾਂ ਦੇ ਦੌਰੇ ‘ਤੇ ਰਹਿਣਗੇ।

ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰਐਸਐਸ) ਦੇ ਮੁਖੀ ਮੋਹਨ ਭਾਗਵਤ ਅੱਜ ਪੰਜਾਬ ਆ ਰਹੇ ਹਨ। ਉਹ 25 ਫਰਵਰੀ ਤੋਂ ਪੰਜਾਬ ਦੇ ਦੋ ਦਿਨਾਂ ਦੇ ਦੌਰੇ ‘ਤੇ ਰਹਿਣਗੇ। ਇਹ ਦੌਰਾ ਸੰਘ ਦੇ ਸ਼ਤਾਬਦੀ ਸਾਲ ਨੂੰ ਮਨਾਉਣ ਦੇ ਲਈ ਚੱਲ ਰਹੇ ਦੇਸ਼ ਵਿਆਪੀ ਅਭਿਆਨ ਦਾ ਹਿੱਸਾ ਹੋਵੇਗਾ। ਇਸ ਦੌਰਾਨ ਉਹ ਲੋਕਾਂ ਨਾਲ ਸੰਵਾਦ ਪ੍ਰੋਗਰਾਮ ‘ਚ ਹਿੱਸਾ ਲੈਣਗੇ।

ਕੱਲ੍ਹ ਪੂਰਾ ਦਿਨ ਪਠਾਨਕੋਟ ‘ਚ ਵੱਖ-ਵੱਖ ਪ੍ਰੋਗਰਾਮਾਂ ‘ਚ ਲੈਣਗੇ ਹਿੱਸਾ

ਮੋਹਨ ਭਾਗਵਤ ਅੱਜ ਸ਼ਾਮ ਪਠਾਨਕੋਟ ਪਹੁੰਚਣਗੇ, ਅੱਜ ਤੇ ਕੱਲ੍ਹ ਦੋ ਦਿਨ ਉਹ ਪਠਾਨਕੋਟ ‘ਚ ਰਹਿਣਗੇ। ਆਰਐਸਸਮ ਮੁਖੀ ਸ਼ਾਮ ਨੂੰ ਸੰਘ ਦਫ਼ਤਰ ‘ਚ ਇੱਕ ਮੀਟਿੰਗ ਕਰਨਗੇ। ਕੱਲ੍ਹ 25 ਫਰਵਰੀ ਨੂੰ ਸਵੇਰੇ 10:00 ਵਜੇ ਉਹ ਸਿਆਲੀ ਰੋਡ ‘ਤੇ ਸਥਿਤ ਆਡੀਟੋਰੀਅਮ ‘ਚ ਸਾਬਕਾ ਸੈਨਿਕਾਂ ਨਾਲ ਮੀਟਿੰਗ ਕਰਨਗੇ। ਇਸ ਤੋਂ ਬਾਅਦ ਉਹ ਕੱਲ੍ਹ ਸ਼ਾਮ ਨੂੰ 4:00 ਵਜੇ ਏਬੀ ਕਾਲਜ ‘ਚ ਵਲੰਟੀਅਰਾਂ ਦੇ ਪ੍ਰੋਗਰਾਮ ‘ਚ ਹਿੱਸਾ ਲੈਣਗੇ ਤੇ ਉਨ੍ਹਾਂ ਨੂੰ ਸੰਬੋਧਨ ਕਰਨਗੇ। 25 ਫਰਵਰੀ ਦਾ ਪੂਰਾ ਦਿਨ ਉਹ ਪਠਾਨਕੋਟ ‘ਚ ਇਹ ਵੱਖ-ਵੱਖ ਪ੍ਰੋਗਰਾਮ ਕਰਨਗੇ, 26 ਫਰਵਰੀ ਨੂੰ ਉਹ ਆਪਣੇ ਅਗਲੇ ਪ੍ਰੋਗਰਾਮ ਲਈ ਰਵਾਨਾ ਹੋਣਗੇ।

26 ਫਰਵਰੀ ਨੂੰ ਲੁਧਿਆਣਾ ਪਹੁੰਚਣਗੇ

ਦੌਰੇ ਦੇ ਦੂਸਰੇ ਦਿਨ ਯਾਨੀ ਕਿ 26 ਫਰਵਰੀ ਨੂੰ ਉਹ ਲੁਧਿਆਣਾ ‘ਚ ਪਹੁੰਚਣਗੇ। ਲੁਧਿਆਣਾ ‘ਚ ਆਪਣੇ ਦੌਰੇ ਦੋਰਾਨ ਉਹ ਇੱਕ ਵੱਡੇ ਨਾਗਰਿਗ ਸੈਮੀਨਾਰ ‘ਚ ਹਿੱਸਾ ਲੈਣਗੇ। ਇੱਥੇ ਉਹ ਲੋਕਾਂ ਨੂੰ ਸੰਬੋਧਿਤ ਕਰਨਗੇ। ਇਹ ਪ੍ਰੋਗਰਾਮ ਦੁਪਹਿਰ 3:30 ਵਜੇ ਤੋਂ ਸ਼ਾਮਲ 5 ਵਜੇ ਤੱਕ ਹੋਵੇਗਾ। ਇਸ ਦੌਰਾਨ ਉਹ ਹੋਰ ਵੀ ਵੱਖ-ਵੱਖ ਪ੍ਰੋਗਰਾਮਾਂ ‘ਚ ਹਿੱਸਾ ਲੈਣਗੇ।