Gym ਵਿੱਚ 270 ਕਿਲੋ ਦੀ ਰਾਡ ਡਿੱਗਣ ਨਾਲ ਟੁੱਟੀ ਗਰਦਨ,National Games ਦੀ Gold Medalist ਮਹਿਲਾ ਪਾਵਰਲਿਫਟਰ ਦੀ ਮੌਤ

ਰਾਸ਼ਟਰੀ ਖਿਡਾਰਨ ਯਸ਼ਟਿਕਾ ਆਚਾਰੀਆ ਦੀ ਜਿੰਮ ਵਿੱਚ ਦਰਦਨਾਕ ਮੌਤ ਹੋ ਗਈ।

ਰਾਜਸਥਾਨ ਦੇ ਬੀਕਾਨੇਰ ਵਿੱਚ ਇੱਕ ਭਿਆਨਕ ਹਾਦਸਾ ਵਾਪਰਿਆ। ਰਾਸ਼ਟਰੀ ਖਿਡਾਰਨ ਯਸ਼ਟਿਕਾ ਆਚਾਰਿਆ ਦੀ ਜਿੰਮ ਵਿੱਚ ਪਾਵਰਲਿਫਟਿੰਗ ਟ੍ਰੇਨਿੰਗ ਦੌਰਾਨ ਦਰਦਨਾਕ ਮੌਤ ਹੋ ਗਈ। ਯਸ਼ਟਿਕਾ ਨੇ ਆਪਣੀ ਗਰਦਨ ‘ਤੇ 270 ਕਿਲੋਗ੍ਰਾਮ ਭਾਰ ਚੁੱਕਿਆ ਸੀ। ਇਸ ਦੌਰਾਨ ਅਚਾਨਕ ਉਸਦਾ ਹੱਥ ਫਿਸਲ ਗਿਆ ਅਤੇ ਉਹ ਆਪਣਾ ਸੰਤੁਲਨ ਗੁਆ ​​ਬੈਠੀ ਅਤੇ ਭਾਰ ਉਸਦੀ ਗਰਦਨ ‘ਤੇ ਆ ਗਿਆ। ਭਾਰ ਡਿੱਗਣ ਕਾਰਨ ਉਸਦੀ ਗਰਦਨ ਟੁੱਟ ਗਈ। ਹਾਦਸੇ ਤੋਂ ਬਾਅਦ, ਯਸ਼ਟਿਕਾ ਨੂੰ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।

ਹਾਦਸਾ ਕਿਵੇਂ ਹੋਇਆ?

ਬੀਕਾਨੇਰ ਦੀ ਰਹਿਣ ਵਾਲੀ 17 ਸਾਲਾ ਰਾਸ਼ਟਰੀ ਮਹਿਲਾ ਪਾਵਰਲਿਫਟਰ ਯਸ਼ਟਿਕਾ ਆਚਾਰਿਆ ਰਾਜਸਥਾਨ ਦੇ ਬੀਕਾਨੇਰ ਵਿੱਚ ਨੱਥੂਸਰ ਗੇਟ ਵਿਖੇ ਵੱਡਾ ਗਣੇਸ਼ ਮੰਦਰ ਦੇ ਨੇੜੇ ਸਥਿਤ ਦ ਪਾਵਰ ਹੈਕਟਰ ਜਿਮ ਵਿੱਚ ਟ੍ਰੇਨਿੰਗ ਕਰ ਰਹੀ ਸੀ। ਉਸਨੇ ਆਪਣੀ ਗਰਦਨ ‘ਤੇ 270 ਕਿਲੋਗ੍ਰਾਮ ਦੀ ਰਾਡ ਤੇ ਵਜ਼ਨ ਭਾਰ ਚੁੱਕਿਆ ਹੋਇਆ ਸੀ। ਇਸ ਦੌਰਾਨ ਯਸ਼ਟਿਕਾ ਦੀ ਗਰਦਨ ‘ਤੇ ਰਾਡ ਡਿੱਗਣ ਨਾਲ ਮੌਤ ਹੋ ਗਈ। ਜਿੰਮ ਵਿੱਚ ਉਸਦੇ ਨਾਲ ਟ੍ਰੇਨਿੰਗ ਕਰਨ ਵਾਲੇ ਹੋਰ ਖਿਡਾਰੀਆਂ ਨੇ ਕਿਹਾ ਕਿ ਯਸ਼ਟਿਕਾ ਹਰ ਰੋਜ਼ ਵਾਂਗ ਕੋਚ ਦੀ ਮੌਜੂਦਗੀ ਵਿੱਚ ਪ੍ਰੈਕਟਿਸ ਕਰ ਰਹੀ ਸੀ।

ਪ੍ਰੈਕਟਿਸ ਦੌਰਾਨ, ਉਸਦਾ ਹੱਥ ਸਲਿਪ ਹੋਣ ਨਾਲਨੇ ਅਚਾਨਕ ਸੰਤੁਲਨ ਵਿਗੜਿਆ ਅਤੇ 270 ਕਿਲੋਗ੍ਰਾਮ ਦੀ ਰਾਡ ਯਸ਼ਟਿਕਾ ਦੀ ਗਰਦਨ ‘ਤੇ ਡਿੱਗ ਪਈ। ਇਸ ਦੌਰਾਨ ਜ਼ੋਰਦਾਰ ਝਟਕਾ ਲੱਗਿਆ। ਜ਼ੋਰਦਾਰ ਝਟਕੇ ਕਾਰਨ ਯਸ਼ਟਿਕਾ ਦੇ ਪਿੱਛੇ ਖੜ੍ਹਾ ਕੋਚ ਵੀ ਪਿੱਛੇ ਵੱਲ ਡਿੱਗ ਪਿਆ। ਹਾਦਸੇ ਤੋਂ ਬਾਅਦ ਯਸ਼ਟਿਕਾ ਬੇਹੋਸ਼ ਹੋ ਗਈ। ਉਸਨੂੰ ਜਿੰਮ ਵਿੱਚ ਹੀ ਮੁੱਢਲੀ ਸਹਾਇਤਾ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ। ਉੱਥੇ ਮੌਜੂਦ ਖਿਡਾਰੀ ਉਸਨੂੰ ਇਲਾਜ ਲਈ ਹਸਪਤਾਲ ਲੈ ਗਏ। ਉੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।

ਉੱਥੇ ਮੌਜੂਦ ਖਿਡਾਰੀਆਂ ਨੇ ਦੱਸਿਆ ਕਿ ਟ੍ਰੇਨਰ ਯਸ਼ਟਿਕਾ ਨੂੰ ਵੇਟ ਲਿਫਟ ਕਰਵਾ ਰਿਹਾ ਸੀ, ਉਸਨੇ ਪਹਿਲਾਂ ਕਿਹਾ ਇੱਕ ਦੋ ਤਿੰਨ ਇਸ ਤੋਂ ਬਾਅਦ ਹੀ ਉਸਨੇ ਵੇਟ ਚੁੱਕਿਆ, ਪਰ ਅਚਾਨਕ ਉਸਦਾ ਹੱਥ ਫਿਸਲ ਗਿਆ ਅਤੇ ਉਹ ਆਪਣਾ ਸੰਤੁਲਨ ਗੁਆ ​​ਬੈਠੀ ਅਤੇ ਸਾਰਾ ਭਾਰ ਉਸਦੀ ਗਰਦਨ ‘ਤੇ ਆ ਗਿਆ। ਯਸ਼ਟਿਕਾ ਇਸਨੂੰ ਸੰਭਾਲ ਨਹੀਂ ਸਕੀ ਅਤੇ ਇਹ ਹਾਦਸਾ ਵਾਪਰ ਗਿਆ। ਹਸਪਤਾਲ ਲੈ ਜਾਂਦੇ ਹੀ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।

ਪੁਲਿਸ ਕੋਲ ਦਰਜ ਨਹੀਂ ਹੋਇਆ ਮਾਮਲਾ

ਪੁਲਿਸ ਨੇ ਦੱਸਿਆ ਕਿ ਹੁਣ ਤੱਕ ਪਰਿਵਾਰ ਵੱਲੋਂ ਇਸ ਮਾਮਲੇ ਵਿੱਚ ਕੋਈ ਸ਼ਿਕਾਇਤ ਨਹੀਂ ਦਿੱਤੀ ਗਈ ਹੈ। ਇਸ ਲਈ, ਮਾਮਲੇ ਵਿੱਚ ਕੋਈ ਐਫਆਈਆਰ ਦਰਜ ਨਹੀਂ ਕੀਤੀ ਗਈ ਹੈ। ਪੁਲਿਸ ਨੇ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਰਿਸ਼ਤੇਦਾਰਾਂ ਨੂੰ ਸੌਂਪ ਦਿੱਤੀ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।