Oscar 2026 ‘ਚ Priyanka Chopra ਦੀ ਚਮਕ, ਪ੍ਰੈਜ਼ੈਂਟਰ ਵਜੋਂ ਨਜ਼ਰ ਆਵੇਗੀ ‘ਦੇਸੀ ਗਰਲ’

ਅਦਾਕਾਰਾ ਨੇ ਆਪਣੇ ਪਤੀ ਨਿਕ ਜੋਨਸ ਦੇ ਨਾਲ ਮਿਲ ਕੇ 2021 ‘ਚ 93ਵੇਂ ਅਕੈਡਮੀ ਅਵਾਰਡਸ ਲਈ ਨਾਮਜ਼ਦਗੀਆਂ ਦਾ ਐਲਾਨ ਕੀਤਾ ਸੀ।

ਪ੍ਰਿਅੰਕਾ ਚੋਪੜਾ (Priyanka Chopra) ਨੇ ਸ਼ੁੱਕਰਵਾਰ ਨੂੰ ਆਪਣੇ ਪ੍ਰਸ਼ੰਸਕਾਂ ਨੂੰ ਇਕ ਵੱਡੀ ਖੁਸ਼ਖਬਰੀ ਦਿੱਤੀ। ਅਦਾਕਾਰਾ ਨੇ ਦੱਸਿਆ ਕਿ ਉਹ 98ਵੇਂ ਅਕੈਡਮੀ ਅਵਾਰਡਜ਼ (98th Academy Awards) ‘ਚ ਇਕ ਪ੍ਰੈਜ਼ੈਂਟਰ ਵਜੋਂ ਨਜ਼ਰ ਆਵੇਗੀ। ਇਸ ਖ਼ਬਰ ਤੋਂ ਬਾਅਦ ਪ੍ਰਿਅੰਕਾ ਦੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਇਕ ਵੱਖਰੇ ਹੀ ਲੈਵਲ ‘ਤੇ ਹੈ। ਇਸ ਸਮਾਰੋਹ ‘ਚ ਮੰਚ ‘ਤੇ ਉਨ੍ਹਾਂ ਨਾਲ ਰੌਬਰਟ ਡਾਊਨੀ ਜੂਨੀਅਰ, ਐਨੀ ਹੈਥਵੇ, ਵਿਲ ਅਨਰਟੇ, ਗਵੇਨੇਥ ਪਾਲਟਰੋ ਅਤੇ ਪਾਲ ਮੈਸਕਲ ਵਰਗੇ ਵੱਡੇ ਨਾਂ ਸ਼ਾਮਲ ਰਹਿਣਗੇ। ਜਦੋਂ ਪ੍ਰਿਅੰਕਾ ਚੋਪੜਾ ਆਸਕਰ ਦੇ ਮੰਚ ‘ਤੇ ਆਪਣੀ ਚਮਕ ਬਿਖੇਰੇਗੀ ਤਾਂ ਦੇਖਣਾ ਵਾਕਈ ਦਿਲਚਸਪ ਹੋਵੇਗਾ।

ਕਿਸ ਦਿਨ ਹੋਵੇਗੀ ਲਾਈਵ ਸਟ੍ਰੀਮਿੰਗ

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਪ੍ਰਿਅੰਕਾ ਚੋਪੜਾ ਜੋਨਸ ਆਸਕਰ ਦਾ ਹਿੱਸਾ ਬਣੀ ਹੈ। ਅਦਾਕਾਰਾ ਨੇ ਆਪਣੇ ਪਤੀ ਨਿਕ ਜੋਨਸ ਦੇ ਨਾਲ ਮਿਲ ਕੇ 2021 ‘ਚ 93ਵੇਂ ਅਕੈਡਮੀ ਅਵਾਰਡਸ ਲਈ ਨਾਮਜ਼ਦਗੀਆਂ ਦਾ ਐਲਾਨ ਕੀਤਾ ਸੀ। ਕਾਮੇਡੀਅਨ ਕੋਨਨ ਓ’ਬ੍ਰਾਇਨ (Conan O’Brien) ਵੱਲੋਂ ਹੋਸਟ ਕੀਤੇ ਜਾਣ ਵਾਲੇ 98ਵਾਂ ਆਸਕਰ ਪੁਰਸਕਾਰ ਸਮਾਰੋਹ ਓਵੇਸ਼ਨ ਹਾਲੀਵੁੱਡ ਦੇ ਡੌਲਬੀ ਥੀਏਟਰ ‘ਚ ਹੋਵੇਗਾ। ਸਮਾਰੋਹ ਦਾ ਸਿੱਧਾ ਪ੍ਰਸਾਰਣ ਏਬੀਸੀ (ABC) ‘ਤੇ ਤੇ ਲਾਈਵ ਸਟ੍ਰੀਮਿੰਗ ਹੁਲੂ (Hulu) ‘ਤੇ 15 ਮਾਰਚ ਨੂੰ ਕੀਤੀ ਜਾਵੇਗੀ।

ਬਹੁਤ ਜਲਦ ‘ਵਾਰਾਣਸੀ’ ‘ਚ ਆਵੇਗੀ ਨਜ਼ਰ

ਪ੍ਰਿਅੰਕਾ ਚੋਪੜਾ ਹਾਲ ਹੀ ‘ਚ ਆਪਣੀ ਨਵੀਂ ਫਿਲਮ ‘ਦ ਬਲੱਫ’ (The Bluff) ‘ਚ ਦਿਖਾਈ ਦਿੱਤੀ। ਇਹ ਐਮਾਜ਼ੋਨ ਪ੍ਰਾਈਮ ਵੀਡੀਓ ‘ਤੇ ਸਟ੍ਰੀਮ ਹੋ ਰਹੀ ਹੈ। ਇਸ ਮੂਵੀ ‘ਚ ਉਹ ‘The Boys’ ਫੇਮ ਕਾਰਲ ਅਰਬਨ (Karl Urban) ਦੇ ਨਾਲ ਨਜ਼ਰ ਆਈ। ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਬਹੁਤ ਜਲਦ ਐਸਐਸ ਰਾਜਾਮੌਲੀ ਦੀ ਫਿਲਮ ‘ਵਾਰਾਣਸੀ’ ‘ਚ ਨਜ਼ਰ ਆਵੇਗੀ। ਇਸ ਫਿਲਮ ‘ਚ ਉਨ੍ਹਾਂ ਨਾਲ ਮਹੇਸ਼ ਬਾਬੂ ਅਤੇ ਪਿਥਵੀਰਾਜ ਸੁਕੁਮਾਰਨ ਨਜ਼ਰ ਆਉਣਗੇ। ਇਹ ਫਿਲਮ 7 ਅਪ੍ਰੈਲ 2027 ਨੂੰ ਰਿਲੀਜ਼ ਹੋਵੇਗੀ। ਇਸ ਤੋਂ ਇਲਾਵਾ ਉਹ ਅਮਰੀਕਨ ਸਪਾਈ ਥ੍ਰਿਲਰ ਸੀਰੀਜ਼ ‘ਸਿਟਾਡੇਲ’ (Citadel) ਦੇ ਸੀਕਵਲ ਵਿੱਚ ਵੀ ਨਜ਼ਰ ਆਉਣ ਵਾਲੀ ਹੈ।