ਅਨੀਤਾ ਪੁੰਜ, ਸਪੈਸ਼ਲ ਡੀਜੀਪੀ-ਕਮ-ਡਾਇਰੈਕਟਰ ਨੂੰ ਐਮਆਰਐਸ ਪੀਪੀਏ ਫਿਲੌਰ ਤੋਂ ਸਪੈਸ਼ਲ ਡੀਜੀਪੀ, ਐਚਆਰਡੀ ਅਤੇ ਭਲਾਈ ਨਿਯੁਕਤ ਕੀਤਾ ਗਿਆ ਹੈ।
ਪੰਜਾਬ ਸਰਕਾਰ ਨੇ ਸੋਮਵਾਰ ਨੂੰ 14 ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਹਨ। ਅੰਮ੍ਰਿਤਸਰ ਦਿਹਾਤੀ ਦੇ ਐਸਐਸਪੀ ਸੁਹੇਲ ਕਾਸਿਮ ਮੀਰ ਨੂੰ ਹਟਾ ਦਿੱਤਾ ਹੈ। ਮੀਰ ਨੂੰ ਅਜੇ ਤੱਕ ਨਵੀਂ ਪੋਸਟਿੰਗ ਨਹੀਂ ਦਿੱਤੀ ਗਈ ਹੈ। ਉਨ੍ਹਾਂ ਦੀ ਜਗ੍ਹਾ ਐਸਪੀ ਕੰਵਲਜੀਤ ਸਿੰਘ ਨੂੰ ਚਾਰਜ ਦਿੱਤਾ ਗਿਆ ਹੈ। ਫਰੀਦਕੋਟ ਦੀ ਐਸਐਸਪੀ ਪ੍ਰਗਿਆ ਜੈਨ ਨੂੰ ਹਟਾ ਦਿੱਤਾ ਗਿਆ ਹੈ। ਉਨ੍ਹਾਂ ਨੂੰ ਵੀ ਅਜੇ ਤੱਕ ਨਵੀਂ ਪੋਸਟਿੰਗ ਨਹੀਂ ਦਿੱਤੀ ਗਈ ਹੈ। ਜਲੰਧਰ ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਰੰਧਾਵਾ ਨੂੰ ਬਦਲ ਦਿੱਤਾ ਗਿਆ ਹੈ। ਡੀਆਈਜੀ ਸਤਿੰਦਰ ਸਿੰਘ ਨੂੰ ਜਲੰਧਰ ਦਾ ਨਵਾਂ ਸੀਪੀ ਨਿਯੁਕਤ ਕੀਤਾ ਗਿਆ ਹੈ।
ਕਿਹੜਾ ਅਫ਼ਸਰ ਕਿੱਥੇ ਤਾਇਨਾਤ?
ਅਨੀਤਾ ਪੁੰਜ, ਸਪੈਸ਼ਲ ਡੀਜੀਪੀ-ਕਮ-ਡਾਇਰੈਕਟਰ ਨੂੰ ਐਮਆਰਐਸ ਪੀਪੀਏ ਫਿਲੌਰ ਤੋਂ ਸਪੈਸ਼ਲ ਡੀਜੀਪੀ, ਐਚਆਰਡੀ ਅਤੇ ਭਲਾਈ ਨਿਯੁਕਤ ਕੀਤਾ ਗਿਆ ਹੈ। ਪ੍ਰਦੀਪ ਕੁਮਾਰ ਯਾਦਵ, ਆਈਜੀਪੀ ਟੈਕਨੀਕਲ ਸਰਵਿਸਿਜ਼ (ਵਾਧੂ ਚਾਰਜ ਸਮੇਤ) ਆਈਜੀਪੀ ਟੈਕਨੀਕਲ ਸਰਵਿਸਿਜ਼ ਚੰਡੀਗੜ੍ਹ ਤੋਂ ਧਨਪ੍ਰੀਤ ਕੌਰ, ਪੁਲਿਸ ਕਮਿਸ਼ਨਰ, ਜਲੰਧਰ ਨੂੰ ਐਮਆਰਐਸ ਪੀਪੀਏ ਫਿਲੌਰ ਦਾ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਹੈ।
ਇਸੇ ਤਰ੍ਹਾਂ ਸਤਿੰਦਰ ਸਿੰਘ, ਡੀਆਈਜੀ, ਲੁਧਿਆਣਾ ਰੇਂਜ, ਨੂੰ ਪੁਲਿਸ ਕਮਿਸ਼ਨਰ (ਸੀਪੀ), ਜਲੰਧਰ ਨਿਯੁਕਤ ਕੀਤਾ ਗਿਆ ਹੈ। ਵਿਵੇਕ ਸ਼ੀਲ ਸੋਨੀ, ਕਮਾਂਡੈਂਟ, 75ਵੀਂ ਬਟਾਲੀਅਨ ਪੀਏਪੀ, ਜਲੰਧਰ, ਨੂੰ ਡੀਆਈਜੀ, ਬਾਰਡਰ ਰੇਂਜ, ਅੰਮ੍ਰਿਤਸਰ ਵਜੋਂ ਤਬਦੀਲ ਕੀਤਾ ਗਿਆ ਹੈ।
