Team India ਲਈ ਡੈਬਿਊ ਕਰਨ ਵਾਲੇ ਹਨ Vaibhav Suryavanshi? BCCI ਨੇ ਦੇ ਦਿੱਤਾ ਵੱਡਾ ਸੰਕੇਤ

IPL ਦੇ 19ਵੇਂ ਸੀਜ਼ਨ ਦੀ ਜਦੋਂ ਵੀ ਗੱਲ ਹੋਵੇਗੀ ਤਾਂ ਸਭ ਤੋਂ ਪਹਿਲਾਂ ਜੋ ਨਾਮ ਹਰ ਕਿਸੇ ਦੀ ਜ਼ੁਬਾਨ ‘ਤੇ ਆਵੇਗਾ, ਉਹ 15 ਸਾਲ ਦੇ ਨੌਜਵਾਨ ਸੈਂਸੇਸ਼ਨ ਵੈਭਵ ਸੂਰਿਆਵੰਸ਼ੀ ਦਾ ਹੀ ਹੋਵੇਗਾ।

 ਆਈਪੀਐਲ (IPL) ਦੇ 19ਵੇਂ ਸੀਜ਼ਨ ਦੀ ਜਦੋਂ ਵੀ ਗੱਲ ਹੋਵੇਗੀ ਤਾਂ ਸਭ ਤੋਂ ਪਹਿਲਾਂ ਜੋ ਨਾਮ ਹਰ ਕਿਸੇ ਦੀ ਜ਼ੁਬਾਨ ‘ਤੇ ਆਵੇਗਾ, ਉਹ 15 ਸਾਲ ਦੇ ਨੌਜਵਾਨ ਸੈਂਸੇਸ਼ਨ ਵੈਭਵ ਸੂਰਿਆਵੰਸ਼ੀ ਦਾ ਹੀ ਹੋਵੇਗਾ। ਵੈਭਵ ਨੇ ਰਾਜਸਥਾਨ ਰਾਇਲਜ਼ ਵੱਲੋਂ ਖੇਡਦੇ ਹੋਏ ਆਈਪੀਐਲ 2026 ਵਿੱਚ ਬੱਲੇ ਨਾਲ ਸਿਰਫ਼ ਦੌੜਾਂ ਬਣਾ ਕੇ ਰਿਕਾਰਡ ਹੀ ਨਹੀਂ ਤੋੜੇ, ਸਗੋਂ ਉਨ੍ਹਾਂ ਨੇ ਭਾਰਤੀ ਕ੍ਰਿਕਟ ਦੇ ਭਵਿੱਖ ਨੂੰ ਲੈ ਕੇ ਇੱਕ ਨਵੀਂ ਬਹਿਸ ਵੀ ਛੇੜ ਦਿੱਤੀ ਹੈ।

ਹਰ ਪਾਸੇ ਉਨ੍ਹਾਂ ਦੀ ਚਰਚਾ ਹੋ ਰਹੀ ਹੈ ਅਤੇ ਉਨ੍ਹਾਂ ਨੂੰ ਟੀਮ ਇੰਡੀਆ ਵਿੱਚ ਸ਼ਾਮਲ ਕੀਤੇ ਜਾਣ ਦੀ ਮੰਗ ਵੀ ਤੇਜ਼ੀ ਨਾਲ ਹੋਣ ਲੱਗੀ ਹੈ। ਟੀਮ ਵਿੱਚ ਉਨ੍ਹਾਂ ਦੀ ਚੋਣ ਦੀ ਇਸ ਤੇਜ਼ ਮੰਗ ਦੀ ਚਰਚਾ ਨੂੰ ਬੀ.ਸੀ.ਸੀ.ਆਈ. (BCCI) ਦੇ ਸਕੱਤਰ ਦੇਵਜੀਤ ਸੈਕੀਆ ਦੇ ਬਿਆਨ ਨੇ ਹੋਰ ਹਵਾ ਦੇ ਦਿੱਤੀ ਹੈ, ਜਿਸ ਨੇ ਕ੍ਰਿਕਟ ਜਗਤ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।

BCCI ਨੇ Vaibhav Suryavanshi ਨੂੰ ਲੈ ਕੇ ਕੀ ਕਿਹਾ?

ਦਰਅਸਲ, ਆਈਪੀਐਲ 2026 ਦੇ 16 ਮੈਚਾਂ ਵਿੱਚ 776 ਦੌੜਾਂ ਬਣਾ ਕੇ ਵੈਭਵ ਨੇ ਆਰੇਂਜ ਕੈਪ (Orange Cap) ਆਪਣੇ ਨਾਮ ਕੀਤੀ ਅਤੇ ਉਹ ਆਈਪੀਐਲ ਦੀ ਆਰੇਂਜ ਕੈਪ ਹਾਸਲ ਕਰਨ ਵਾਲੇ ਸਭ ਤੋਂ ਨੌਜਵਾਨ ਖਿਡਾਰੀ ਬਣੇ। ਉਨ੍ਹਾਂ ਨੇ ਇਸ ਸੀਜ਼ਨ ਤਜ਼ਰਬੇਕਾਰ ਗੇਂਦਬਾਜ਼ਾਂ ਖ਼ਿਲਾਫ਼ ਨਿਡਰ ਹੋ ਕੇ ਜਿਸ ਤਰ੍ਹਾਂ ਬੱਲੇਬਾਜ਼ੀ ਕੀਤੀ, ਉਸ ਨੇ ਚੋਣਕਾਰਾਂ ਨੂੰ ਕਾਫ਼ੀ ਪ੍ਰਭਾਵਿਤ ਕੀਤਾ ਹੈ।