Harry Brook ਨੇ ਲਗਾਇਆ ਆਪਣੇ ਕਰੀਅਰ ਦਾ ਪਹਿਲਾ ਤੀਹਰਾ ਸੈਂਕੜਾ, ਪਾਕਿਸਤਾਨ ‘ਚ ਕੀਤੀ ਵਿਸ਼ਵ ਰਿਕਾਰਡ ਦੀ ਬਰਾਬਰੀ

ਇੰਗਲੈਂਡ ਦੇ ਉੱਭਰਦੇ ਸਟਾਰ ਬੱਲੇਬਾਜ਼ Harry Brook ਨੂੰ ਪਾਕਿਸਤਾਨ ਕਾਫੀ ਰਾਸ ਆ ਗਿਆ ਹੈ।

ਇੰਗਲੈਂਡ ਦੇ ਉੱਭਰਦੇ ਸਟਾਰ ਬੱਲੇਬਾਜ਼ Harry Brook ਨੂੰ ਪਾਕਿਸਤਾਨ ਕਾਫੀ ਰਾਸ ਆ ਗਿਆ ਹੈ। ਬਰੂਕ ਨੇ ਪਾਕਿਸਤਾਨ ਖਿਲਾਫ ਦੂਜੇ ਟੈਸਟ ਮੈਚ ਦੇ ਚੌਥੇ ਦਿਨ ਵੀਰਵਾਰ ਨੂੰ ਆਪਣੇ ਟੈਸਟ ਕਰੀਅਰ ਦਾ ਚੌਥਾ ਸੈਂਕੜਾ ਲਗਾਇਆ ਤੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਕਰ ਲਈ। ਬਰੂਕ ਨੇ 322 ਗੇਂਦਾਂ ਵਿੱਚ 29 ਚੌਕਿਆਂ ਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ 317 ਦੌੜਾਂ ਬਣਾਈਆਂ। ਸੈਮ ਅਯੂਬ ਨੇ ਬਰੂਕ ਦੀ ਪਾਰੀ ਦਾ ਅੰਤ ਕੀਤਾ।

ਤੁਹਾਨੂੰ ਦੱਸ ਦੇਈਏ ਕਿ ਹੈਰੀ ਬਰੂਕ ਨੇ ਆਪਣੇ ਕਰੀਅਰ ਦਾ ਪਹਿਲਾ ਤੀਹਰਾ ਸੈਂਕੜਾ ਲਗਾ ਕੇ ਮੁਲਤਾਨ ਟੈਸਟ ਨੂੰ ਯਾਦਗਾਰ ਬਣਾ ਦਿੱਤਾ। ਸੱਜੇ ਹੱਥ ਦੇ ਇਸ ਬੱਲੇਬਾਜ਼ ਨੇ 310 ਗੇਂਦਾਂ ‘ਚ 28 ਚੌਕਿਆਂ ਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ ਆਪਣਾ ਤੀਹਰਾ ਸੈਂਕੜਾ ਪੂਰਾ ਕੀਤਾ। ਬਰੂਕ ਟੈਸਟ ਕ੍ਰਿਕਟ ਵਿੱਚ ਤੀਹਰਾ ਸੈਂਕੜਾ ਲਗਾਉਣ ਵਾਲਾ ਛੇਵਾਂ ਇੰਗਲਿਸ਼ ਬੱਲੇਬਾਜ਼ ਬਣ ਗਿਆ ਹੈ। ਬਰੂਕ 34 ਸਾਲਾਂ ਬਾਅਦ ਟੈਸਟ ਕ੍ਰਿਕਟ ਵਿੱਚ ਤੀਹਰਾ ਸੈਂਕੜਾ ਲਗਾਉਣ ਵਾਲਾ ਪਹਿਲਾ ਇੰਗਲਿਸ਼ ਬੱਲੇਬਾਜ਼ ਬਣ ਗਿਆ ਹੈ।

ਹੈਰੀ ਬਰੂਕ ਨੇ ਮੁਲਤਾਨ ਟੈਸਟ ‘ਚ ਕਈ ਰਿਕਾਰਡ ਆਪਣੇ ਨਾਂ ਕੀਤੇ ਹਨ। ਉਸ ਨੇ ਤਜਰਬੇਕਾਰ ਬੱਲੇਬਾਜ਼ ਜੋਅ ਰੂਟ (262) ਨਾਲ ਚੌਥੀ ਵਿਕਟ ਲਈ 454 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਜੋੜੀ ਨੇ ਟੈਸਟ ਕ੍ਰਿਕਟ ‘ਚ 67 ਦੌੜਾਂ ਦਾ ਪੁਰਾਣਾ ਰਿਕਾਰਡ ਤੋੜ ਦਿੱਤਾ ਹੈ। ਇਸ ਤੋਂ ਪਹਿਲਾਂ 1957 ‘ਚ ਪੀਟਰ ਮੇਅ ਅਤੇ ਕੋਲਿਨ ਕਾਊਡਰੀ ਨੇ 411 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ।